Siglir tar il cuntegn

Cartel da construcziun Stefan Engler banduna la Lazzarini SA

Ils virivaris aifer las sancziuns da la WEKO en il cartel da construcziun grischun, continueschan. Entant annunzia il president dal cussegl d'administraziun da la Lazzarini SA da bandunar la firma. Stefan Engler na sa metta betg pli a disposiziun per ina reelecziun sco president da la Lazzarini.

Legende: Video Engler: «Serva meglier a tuts da betg star a disposiziun pli» abspielen. Laufzeit 00:50 Minuten.
Or da RTR dals 06.05.2018.

Gia avant 10 dis ha la Cumissiun federala da concurrenza (WEKO) publitgà sia disposiziun. Gia lura aveva il president dal Cussegl d'administraziun da la firma pertutgada Lazzarini SA, Stefan Engler, betg exclus da bandunar la Lazzarini. Uss èsi cler: Stefan Engler na stat betg a disposiziun per in'ulteriura perioda d'uffizi a la testa da Lazzarini. Quai ha el confermà en l'emissiun Cuntrasts da RTR.

Segunda consequenza persunala

Quai è la segunda consequenza persunala dals virivaris enturn il cartel da construcziun en il Grischun. L'emna passada aveva il mainagestiun da la Societad grischuna dals impressaris constructurs, Andreas Felix retratg sia candidatura per la regenza e demissiunà sco president da la Partida burgais-democratica dal Grischun.

Bain n'aveva la WEKO betg sancziunà la Societad grischuna dals impressaris cunstructurs, però constatà che l'uniun haja fullà via als cartels, cun organisar las uschenumnadas «presesidas». La Societad sto perquai surpigliar ina part dals custs da la procedura.

TR Cuntrasts, 17:25