Siglir tar il cuntegn

Header

cuntegn

Cas Adam Quadroni Dretgira chantunala dal Grischun duai far vinavant

L'advocat dad Adam Quadroni ha inoltrà ina reclamaziun tar il Tribunal federal pervi d'in cas ch'è dapi passa in onn pendent.

Ils 7 da schaner 2019 ha l'advocat dad Adam Quadroni inoltrà il recurs a la Dretgira chantunala a Cuira. Perquai ch'els han anc adina betg ina decisiun en chaussa, ha ses advocat uss inoltrà ina reclamaziun directamain al Tribunal federal. Sper Quadroni èsi dentant era anc blers auters che spetgan sin sentenzias. Per part gia dapi onns. En las medias è la Dretgira chantunala gia pliras giadas stada tema ord quest motiv. Avant radund in onn aveva il schurnal regiunal dad SRF rapportà davart il culm da pendenzas.

Avant var in mais è vegnì enconuschent che dus professers da dretg èn il mument vid examinar daco ch'i dat ils problems tar la dretgira. Sco davos è la dretgira stada en las medias pervia d'in auter cas: In derschader ha midà sez ina sentenzia, suenter che quella era gia crudada.

Ord l'archiv

Video
Crititga per president da dretgira chantunala
Or da Telesguard dals 05.02.2020.
laschar ir

RTR novitads 06:00