Siglir tar il cuntegn

Header

video
Renfatschas envers la KESB e la polizia
Or da Telesguard dals 30.04.2020.
laschar ir
cuntegn

Cas delicat Renfatschas envers la KESB e polizia

L’atun passà ha ina mamma giuvna grischuna filmà sco la polizia è stada en sia abitaziun per plazzar ils uffants en in auter lieu. Tut quai ha ella mess live sin las raits socialas.

Dentant ha sia advocata inoltrà in recurs tar la Dretgira chantunala dal Grischun encunter l'autoritad per la protecziun d'uffants e creschids, la KESB. La dunna pretenda numnadamain che la KESB haja tralaschà, d’intercurir il cas en urden e che las autoritads n'hajan betg dà a la dunna l’occasiun, da sa dustar.

I sa tracta d’ina intervenziun massiva da la KESB, sch’ella decida ch’uffants ston vegnir plazzads en auters lieus. Tenor la lescha sto la KESB dentant cumandar talas mesiras, sche uffants èn en privel – pertge els na san betg sa dustar sezs. Sche quai è propi stà necessari u betg, na san ins betg giuditgar.

KESB e polizia sa defendan

La KESB sa betg prender posiziun en detagl, per betg periclitar ils dretgs persunals da tut ils pertutgads. Ella di dentant che talas decisiuns vegnian adina prendidas da trais persunas spezialisadas ensemen, che pondereschian fitg bain tge ch’ellas fan. Ed il bainstar dals uffants haja adina prioritad.

La polizia ch'è stada en l'abitaziun da la mamma, di che l'acziun saja stada commensurada e capitada da moda correcta e cun calma.

RTR Telesguard 17:40

Artitgels legids il pli savens

Scrollar a sanestra Scrollar a dretga