La raschun per la decisiun da la dretgira è che la recumandaziun da la cumissiun da giustia e segirtad dal cussegl grond da betg reeleger Peter Schnyder saja ina recumandaziun e betg ina decisiun, quella midia cunquai nagut vid il status da Schnyder sco derschader.
Lez percunter aveva argumentà cun ses advocat che quella recumandaziun muntia ch'el vegnia betg reelegì, perquai che las partidas s'orienteschian vid quella recumandaziun.
Quai munta uss ch’il cussegl grond sa, sco planisà, manar atras 'elecziun dals derschaders da la dretgira chantunala l'emna proxima. 7 candidats stattan enfin uss a disposiziun per ils 6 sez.
Sche Peter Schnyder tira vinavant la sentenzia u betg, è avert. El n'ha betg vulì prender posiziun en chaussa.