Siglir tar il cuntegn

Header

cuntegn

Cassa da pensiun dal Grischun Contribuziuns da spargn pli autas

Las contribuziuns da spargn per la cassa da pensiun dal Grischun duain vegnir augmentadas. Quai vul la regenza. Uschia veglia ella rinforzar la cassa da pensiun e pussibilitar prestaziuns cumpetitivas.

Consequenzas finanzialas

Per il chantun importian las contribuziuns pli autas 7,98 milliuns francs per onn; per ils lavurants 7,41 milliuns. Plinavant veglia la regenza adattar las reglas davart il pensiunament anticipà e spargnar a vista mesauna var 1,5 milliuns francs. Ils custs supplementars annuals per il chantun sco patrun importan netto var 6,5 milliuns francs.

Midada centrala

Ils elements centrals per fixar las rentas èn sa midads. Il nivel dals tschains è bass e l'aspectativa da vita crescha. Quests svilups engrevgeschan las cassas da pensiun, uschia er la Cassa da pensiun dal Grischun (CPGR). Cun 12'450 persunas assicuradas e cun in chapital da provediment da 3,3 milliardas francs è la CPGR la cassa da pensiun la pli gronda en il Grischun.

Vegn tractà en sessiun d'avust

Il Cussegl grond tracta la fatschenta probabel en la sessiun d’avust 2021. La revisiun parziala davart la lescha duaja entrar en vigur l’entschatta da l’auter onn.

RTR novitads 09:00

Artitgels legids il pli savens

Scrollar a sanestra Scrollar a dretga