Cunzunt dus svilups engrevgieschan la cassa da pensiun, sco il chantun scriva. D'ina vart è il nivel dals tschains extrem bass e da l'autra vart vegn la glieud adina pli veglia. Senza cuntramesiras sa pegiureschan las prestaziuns da renta.
La regenza vul perquai auzar las contribuziuns da spargn per 17 milliuns francs. Ils patruns ed ils collavoraturs duain pajar mintgamai 9 ed 8 milliuns francs.
Cun auzar las contribuziuns da spargn vul la regenza grischuna cuntanscher ch'il chantun, sco era sias instituziuns autonomas da dretg public e las vischnancas affiliadas restian patruns attractivs. La consultaziun è uss averta.