Siglir tar il cuntegn

Header

video
Las piztgadas da vaccinar datti uss er en ils centers
Or da Telesguard dals 26.01.2021.
laschar ir
cuntegn

Center da vaccinar a Glion Emprimas squittas, emprimas sfidas

Bunamain tut ils centers da vaccinar regiunals èn en funcziun, er quel da Glion.

René Fehr da Trin ha 78 onns. Ed el è in dals emprims che survegn en il center a Glion ina vaccinaziun cunter Covid-19. Survegnir il termin saja ì senza problems. Suenter l'annunzia haja el survegnì in mail cun ils termins. En tut hai gia dà passa 800 annunzias per sa laschar vaccinar.

René Fehr da Trin è in dals emprims che n'abita betg en ina chasa d'attempads che survegn la vaccinaziun.
Legenda: René Fehr da Trin è in dals emprims che n'abita betg en ina chasa d'attempads – e che survegn la vaccinaziun. RTR

Sfida cun dumber da dosas

Dentant betg tuts survegnan spert in termin. Il chantun Grischun survegn numnadamain pli paucas dosas ch'atgnamain empermess. Er il center ha Glion ha survegnì mo var 1'800 empè da 2'800 dosas. Uschia saja difficil da planisar. Quai manegia er Thomas Koch, medi en l'ospital a Glion.

Nus na savain anc betg quant bler vaccin che stat il favrer e mars a disposiziun.
Autur: Thomas KochMedi a Glion

Il messadi quant vaccin ch'els hajan per il mais favrer – survegnian els pir ils 4 u 5 da favrer. Pir lura possian els planisar vinavant. Persunas sur 75 onns e persunas cun malsognas grevas hajan il mument prioritad.

Centers regiunals

Il vaccinar è ina incumbensa nova dals centers. Vinavant valan ils blers centers er sco centers da testar. Sulet a Glion datti tenor l'ospital mintga di var 50 tests da PCR. Vinavant duessi dar durant trais suentermezdis l'emna mintgamai var 60 vaccinaziuns. Lavur vegnia pia a dar avunda, hai num.

RTR actualitad 17:00 / Telesguard 17:40

Artitgels legids il pli savens

Scrollar a sanestra Scrollar a dretga