Siglir tar il cuntegn

Header

cuntegn

Chantun Chalira il zercladur – sez la culpa!

Èn talas temperaturas durant il zercladur normalas? In sguard sin la statistica di cleramain na. Las temperaturas dal zercladur 2017 èn en media bunamain trais grads pli chaudas ch'usità. Tgi è la culpa? La populaziun.

audio
La chalira e lur effect en la muntogna.
ord Actualitad dals 23.06.2017.
laschar ir. Durada: 2 minutas 47 Secundas.

Dapi che l'Uffizi federal da meteorologia e climatologia ha cumenzà a mesirar las temperaturas il 1871, è la temperatura intermediara dal zercladur adina stada tar radund 10,5 grads.

Pir ils onns 90 hai dà in augment massiv da la temperatura, quai da 10,5 grads sin 11,8 grads en media. Da quest augment è per gronda part la populaziun la culpa pervia da l’impestaziun da l’aria.

L'aura locala

Avrir la box Serrar la box

En 60 onns problems d’aua

Questas chaliras n'èn betg normalas. Quai è la midada dal clima, effectuà dal carstgaun. En las muntognas è quai gia uss visibel e quai tar la pauca naiv l’enviern ed ils glatschers che svaneschan. Per la populaziun muntagnarda èn ils glatschers la basa da viver. E questa basa è periclitada. Sche las chaliras restan, e tenor Stephan Boder da l’Uffizi federal da metrologia e climatologia vegn quai a restar per ils proxims 100 onns, lura sajan ils glatschers davent en bun 60 onns. Nagins glatschers vul dir nagin’aua.

Artitgels legids il pli savens