Sco quai che Georg Carl, il manader da la partiziun asil e return da l’Uffizi da migraziun e dretg civil ha ditg sin dumonda da RTR, dovria quai probabel en l’avegnir ulteriuras capacitads en il Grischun per centers d’asil. La finamira saia, ch’i dettia ina gista repartiziun sin tut las regiuns dal chantun. Regularmain dettia quai offertas da hotels ed autras immobiglias, ha ditg Georg Carl.
Da la Engiadina dettia quai fitg paucas dumondas. Quellas immobiglias offridas sajan savens fitg veglias u fitg charas, e na vegnian uschia betg en dumonda per il chantun.