La vischnanca dad Arosa aveva lubì il 2017 da far ina chasa da vacanzas ord questa stalla. Ma l’uffizi federal da svilup da territori (ARE) ha intervegnì e recurrì fin a Losanna. Il Tribunal federal ha ussa annullà la sentenzia da la dretgira administrativa chantunala e retratg la lubientscha da bajegiar enturn la stalla sin il territori da Langwies. Quai rapporta l'ANR. La stalla sa chattia en ina zona da mantegniment e quai saja da qualifitgar sco zona nua ch'ins na dastgia betg bajegiar. Fin uss aveva il chantun qualifitgà la zona da mantegniment sco ina zona da construcziun limitada. La decisiun da Losanna metta en dumonda la pratica grischuna d’enfin uss.
RR novitads 18:00