Siglir tar il cuntegn

Header

cuntegn

Chantun va sur ils cudeschs Pratica da cumpra duai vegnir pli persistenta

La pratica da cumpra duai vegnir pli persistenta. Perquai ha la regenza tramess en consultaziun la Lescha introductiva tar la nova Cunvegna interchantunala davart las acquisiziuns publicas. Las disposiziuns armonisadas cun la Confederaziun e cun ils chantuns duajan preparar la via per acquisiziuns che tegnan quint da la persistenza, la qualitad e l’innovaziun.

Per tge vai?

Las acquisiziuns publicas, en il Grischun er numnadas fatgs da submissiun, reglan in segment impurtant da l'economia publica svizra. La Confederaziun, ils chantuns e las vischnancas acquistan mintga onn prestaziuns da construcziun, furniziuns e servetschs en la valur da var 41 milliardas francs (20% Confederaziun ed 80% chantuns e vischnancas). En il chantun Grischun cun sia gronda surfatscha han las incumbensas publicas da vegl ennà ina impurtanza spezialmain gronda.

Pervia da la revisiun da la convenziun da la WTO, l'Organisaziun mundiala da commerzi, ston vegnir adattadas las prescripziuns d'acquisiziun da la Confederaziun e dals chantuns. Il medem mument duain ils cuntegns da questas prescripziuns d'acquisiziun vegnir armonisads.

Consultaziun dura fin ils 28 da fanadur

La consultaziun dura dals 28 d'avrigl fin ils 28 da fanadur 2021. Ils documents da consultaziun pon vegnir consultads sin la pagina d'internet dal chantun Grischun. La tractativa dal project en il Cussegl grond è planisada per la sessiun da december 2021.

audio
Per tadlar: Las novitads da las 09:00
03:07 min, RTR Audio dals 28.04.2021.
laschar ir. Durada: 03:07 minutas.

RTR novitads 09:00

Artitgels legids il pli savens

Scrollar a sanestra Scrollar a dretga