Claudia Hartmann Lütscher è la nova vicechanceliera dal chantun Grischun. La regenza ha elegì la dunna da 57 onns, ch'è creschida si ed abitescha a Cuira. Hartmann Lütscher maina dapi il 1995 il servetsch giuridic tar il Departament da giustia, segirezza e sanadad dal Grischun.
Ella succeda a Walter Frizzoni che va en pensiun l'avrigl 2021. El è stà 30 onns vicechancelier.
Incumbensas
La Chanzlia chantunala è in post general da stab, da coordinaziun e da colliaziun dal Cussegl grond, da la Regenza e da l'administraziun. Sco che la regenza scriva, tgira la vicechanceliera en spezial ils secturs dretgs politics e publicaziuns. Vinavant organisescha e controlla ella las votaziuns ed elecziuns.
audio
Per tadlar: Las novitads da las 12:00
ord RTR Audio dals 26.11.2020.
laschar ir. Durada: 5 minutas 34 Secundas.