Legenda:
Chaschiel grischun
Controllas dal chantun han mussà che chaschiel è vegnì declerà falladamain.
Keystone
cuntegn
Chaschiel grischun e glarunais - Chaschiel declerà manglusamain
Controllas da l'Uffizi per la segirezza da victualias dal Grischun e sco er dal chantun Glaruna han mussà che chaschiel è vegnì declerà falladamain en omadus chantuns.
En tut na sajan 13 da 23 provas betg stadas confurm a la lescha. Uschia è per exempel vegni declerà falladamain il quantum da grass u era la direzza dal chaschiel. 17 provas sajan vegnidas fatgas en chascharias a val e sis en chascharias d'alp.
Tenor il chemicher chantunal dal Grischun, Matthias Beckmann, èsi impurtant che la decleraziun saja correcta. Cas cuntrari vegnia il consument cugliunà. La controlla haja dentant er mussà che la qualitad dal chaschiel saja uschiglio fitg buna.
