Chatschaders grischuns stuessan sajettar dapli tschiervs durant la chatsch'auta. Perquai èn quest onn vegnids averts passa 100 asils in pèr dis durant la chatscha regulara. Radund 300 animals èn vegnids sajettads supplementarmain tras questa mesira, ina mesira dispitaivla era tar chatschaders e chatschadras.
Per part èn ils chatschaders per, per part cunter. I dat era differenzas regiunalas.
En tscherts asils pli pitschens ha l’avertura gì per consequenza che la selvaschina è svanida dal tuttafatg ora da l’asil e dal conturn. Perquai è uss cumparì en la gasetta «Chatschadur grischun» in questiunari che vul tranter auter savair dals commembers e da las commembras, tge ch’els din da l’avertura, sch’ins duess cuntinuar cun questa mesira.
Realisar las mesiras ston ils chatschaders. Quai fan els dentant mo, sch’els èn persvas dad ellas.
Enfin november han ils chatschadurs e las chatschaduras peda da sa participar a la retschertga. Ils resultats vegnan evaluads, publitgads en la gasetta, discutads en la suprastanza e tut tenor vegn lura fatg propostas a l’Uffizi da chatscha.
Ord l'archiv:
RR actualitad 12:00
