Siglir tar il cuntegn

Header

cuntegn

Chatscha speziala Sajettà tants tschiervs sco anc mai

Durant la chatscha speziala han ils chatschaders sajettà 2013 tschiervs – quai mussan las cifras ad interim da l'Uffizi da chatscha e pestga dal Grischun.

Purtret d'in tschierv en la naiv.
Legenda: Tants tschiervs sco anc mai han ils chatschaders sajettà durant questa chatscha speziala. Keystone

2013 tschiervs han ils chatschaders e las chatschadras sajettà durant questa chatscha speziala en il Grischun – 224 da quels han sajettà ils organs da surveglianza. Il plan da reducziun prevesa radund 300 tschiervs dapli. Questas cifras ha Adrian Arquint, l'inspectur da chatscha confermà ad RTR. Las cifras definitivas po l'uffizi da chatscha communitgar la fin schaner.

In record hai era dà tar il dumber da chatschaders e chatschadras ch'èn ids a la chatscha speziala – numnadamain 2083, l'onn passà eran quai radund 60 pli paucs.

La chatscha speziala ha gì lieu en tuttas regiuns, cun excepziun da la Bregaglia e Vaz Sut. Quai davent dals 2 da november fin ils 18 da december.

RTR novitads 17:00