Chatscha supplementara – anc hai num sajettar tschiervs

La chatscha supplementara va anc fin la dumengia - e cunzunt en la vallada dal Rain restan anc blers tschiervs da sajettar.

In triep tschiervs Bild in Lightbox öffnen.

Legenda da maletgs: In triep tschiervs sin in enclar en il Scanvetg. Keystone

En tut èn anc 218 tschiervs da sajettar per cuntanscher il plan decidì da l'Uffizi da chatscha dal Grischun. Quai mussan cifras actualas che l'uffizi ha publitgà. Pli che duas terzas dals tschiervs èn da sajettar en las regiuns tranter Panaduz e Landquart ed en il Partenz Anteriur. Il rest, var 60 tschiervs, mancan en las regiuns da Zernez-Ardez e da Suot Funtauna Merla.

Chavriels hai era anc

Chatscha supplementara sin chavriels datti la fin d’emna anc en trais regiuns, dasper a Zernez-Ardez e Suot Funtauna Merla era en il Partenz Anteriur. Var 40 chavriels pudessan ils chatschaders anc sajettar là. En las ulteriuras regiuns grischunas han ils chatschaders sajettà 160 chavriels memia pauc per cuntanscher il plan da sajettar chantunal.

RR novitads 16:00