Siglir tar il cuntegn

Header

video
Segund di da chatscha – emprima preda
Or da Giuventetgna dals 02.09.2018.
laschar ir. Durada: 1 minuta 45 Secundas.
cuntegn

Chatscha 2. di: Il di da la fortuna – l'emprima preda!

Il telefonin stgalina. Curdin è sin telefon cun Gabriel, igl è las 4:30 uras e la tschajera n'è anc betg ora. Gabriel decida dad anc durmir ina runda. Els guardan pli tard anc ina giada schebain els vulan ir ora. Munta che nus da RTR pudain era anc durmir in zic pli ditg che ier. Qua avain nus natiralmain nagut encunter.

video
Il segund di da chatscha è ì a fin cun ina preda
Or da Telesguard dals 11.09.2018.
laschar ir. Durada: 4 minutas 16 Secundas.

Las 7:30 levain nus lura era. Stefan e Curdin èn gia pronts per ir si en la chamona dals chatschaders. Lezs èn entant era levads ed han chattà in bun program alternativ cunter la tschajera: Els dattan ina runda «Tgau sep». I vegn filmà e documentà e silsuenter turnan Stefan e Curdin, nus mangiain gentar. Curdin decida d'accumpagnar Ursin che parta curt suenter gentar engiuvers.

audio
Saira: Discurs da chatscha cun Ursin ed Andrea
ord Actualitad dals 04.09.2018.
laschar ir. Durada: 4 minutas 20 Secundas.

Il telefon...

I va ina duas uras e lura vegn il telefon – Ursin ha sajettà in buc chavriel! Ussa hai dad ir svelt: pachetar ed ir giu al lieu per rapportar. Angela vegn era gist per far radio, jau fatsch in live-stream sin Facebook e silsuenter fotografias. Mussar il respect envers l'animal cun la dascha en bucca e suenter prender ora l'endadens. Tut suveran capita quai d'Ursin, che va pir il segund onn a chatscha. El baiva anc la palorma e lura è era gia ses bab cun ses frars avant lieu per transportar engiu la preda. Nus turnain cuntents en chamona ed elaborain subit il material.

Dir dal chavriel per tschaina

Entant èsi vegnì saira, i n'ha dà naginas autras predas. Menu da tschaina: Natiralmain il dir dal chavriel ed il cor e gnirunchel cun bizochels, giabus cotschen e maruns cun glasura. Quai tutga tiers tar la chatscha, definitivamain! Il menu gusta stupent, era nus da RTR dastgain mangiar cun ils chatschaders. I vegn saira tard, las 2:00 essan nus lura era en letg. Buna notg!

RR actualitad 06:00

Artitgels legids il pli savens