Las cartas geograficas èn per exempel in agid per s’orientar en guauds e sin muntognas e funcziunan era en lieus senza rait da telefon. In'autra funcziun impurtanta è la glista da contingents ch’inditgescha tgenins animals che sajan lubids da sajettar e tgenins betg.
2 chatschaders giuvens han fatg il test
Ils 2 chatschaders Silvan Brunner da Vuorz e Simon Casanova da Schluein han testà la App. Lur facit: La App è fitg pratica e betg mo in agid per giuvens chatschaders sco els. Sper las cartas geograficas e la funcziun da contingents è per els dus la funcziun da la statistica impurtanta. Là pon ins cun in clic eruir il lieu, nua che la preda è vegnida sajettada.