Siglir tar il cuntegn

Header

video
Ir a chatscha en in asil, excepziunalmain betg illegal
Or da Telesguard dals 09.09.2019.
laschar ir. Durada: 3 minutas 45 Secundas.
cuntegn

Chatscha en ils asils «Per part n'èn ils chatschaders gnanc ids en ils asils»

Ils davos dus dis avant la pausa da chatscha èn ils chatschaders e las chatschadras en Grischun vegnids confruntads cun ina premiera. 108 dals 250 asils en tut il chantun èn vegnids dads liber per entrar parzial u cumplettamain. Sche quai ha l'effect giavischà, n'è anc betg cler.

Schluppettar dapli tschiervs feminins è la finamira da quest'acziun che l’Uffizi da chatscha e pestga emprova quest onn sco project da pilot. Vinavant vulan ins derasar pli ferm ils tschiervs.

audio
Saira: Bilantscha d'Adrian Arquint davart avrir asils da chatscha
ord Actualitad dals 10.09.2019.
laschar ir. Durada: 1 minuta 42 Secundas.

Sche l’acziun ha purtà l’effect giavischà san ins pir analisar suenter la fin da la chatsch‘auta, uschia il manader da l'uffizi da chatscha.

Per part avain nus gì regiuns nua ch'ils chatschaders èn gnanc ids en ils asils. Nus avain dentant er gì regiuns, nua ch'ils chatschaders èn s'organisads bain ed han fatg in bun butin.
Autur: Adrian Arquint manader Uffizi da chatscha e pestga

Decisiv n'è betg mo quantas tschiervas ch’èn vegnidas schluppettadas en ils asils, mabain era quantas ch’èn vegnidas scurrentadas or dals asils e pir suenter schluppettadas.

Premiera en Grischun

Ils asils da chatscha èn per l'emprima giada vegnids averts per part u cumplettamain. Taurs èn durant quels dus dis permiss mo in per chatschader, e vinavant mo ordvart ils asils. Percunter èn ils lantschets, tuttina quant lunga che la corna è, lubids en ed ordvart ils asils. Ina mesira ch’ins ha fatg per carmalar tuttina pli blers chatschaders pussaivel da far part a questa acziun speziala.

TR Telesguard 17:40

Artitgels legids il pli savens