Siglir tar il cuntegn

Header

Video
Sajettà 2’300 tschiervs memia pauc: Funcziuna il sistem da chatscha actual anc?
Or da Telesguard dals 24.10.2019.
laschar ir
cuntegn

Chatscha speziala 2'300: Tants tschiervs sco anc mai ston vegnir sajettads

Passa 3'400 chatschaders – quai è tants sco anc mai – ston sajettar passa 2'300 tschiervs, er quai è in record. Persuenter na datti quasi nagliur ina chatscha speziala da chavriels.

2'316 tschiervs memia pauc han ils chatschaders grischuns sajettà durant la chatscha auta regulara, quai è tant sco anc mai. Per cuntanscher la mira da total 5'560 tschiervs datti era quest onn ina chatscha speziala. Quella ha lieu en tut las regiuns cun excepziun da la Bregaglia e Vaz Sut.

Auter vesa quai ora tar la chatscha da chavriels. Là è la finamira da total 1'900 animals bunamain vegnida cuntanschida. Ina chatscha speziala sin chavriels dovri mo en il district da chatscha 2 da la Surselva ed en il Partenz Central ed il Partenz Davos.

Plan per la chatscha speziala 2019

Regiuns
tschiervs
chavrielschatscha speziala gea/na
Surselva, district 1
1870gea, tschiervs
Surselva, district 2
21711gea
Mantogna, Nolla
350gea, tschiervs
Mantogna, Panaduz-Stussavgia
270gea, tschiervs
Schons530gea, tschiervs
Valragn/Farera-Avras
490gea, tschiervs
Tumleastga1260gea, tschiervs
Cuira-Domat-Churwalden540gea, tschiervs
Mesolcina-Calanca1864gea, tschiervs
Tavau680gea, tschiervs
Bravuogn-Filisur1250gea, tschiervs
Val d'Alvra-Brinzauls-Vaz
850gea, tschiervs
Surses1720gea, tschiervs
Sur Funtauna Merla
310gea, tschiervs
Suot Funtauna Merla
930gea, tschiervs
Bregaglia40na
Val Poschiavo
470gea, tschiervs
Zernez-Ardez1180gea, tschiervs
Val Müstair
660gea, tschiervs
Tschlin-Ramosch-Samnaun
240gea, tschiervs
Sent-Ftan777gea, tschiervs
Signuradi-Seeewis1200gea, tschiervs
Partenz Anteriur
720gea, tschiervs
Partenz Central/Davos
8516gea
Igis-Furna-Fideris510gea, tschiervs
Vaz sut
70na
Favugn240gea, tschiervs
Scanvetg Anteriur
700gea, tschiervs
Scanvetg Dadens
430gea, tschiervs

Tenor l'Uffizi da chatscha èn passa 3'400 chatschaders s'annunziads per la chatscha speziala, quai è in record. Quella ha lieu dals 2 da november fin ils 18 da december. Ella finescha en mintga singula regiun, mintgamai cura ch'il plan da sajettar è cumplenì.

RR novitads 08:00