Atgnamain vulevan els desister da talas fotografias, sco quella publitgada en furma d'inserat venderdi en la gasetta: La fotografia d'in fetus da tranter 14 e 16 emnas, sco i stat scrit. L'iniziant Christian Mathis di, ch'i n'era betg previs da lavurar cun da quels maletgs. Ma suenter la saira da discussiun a Schiers da quest'emna, nua ch'els sajan vegnids attatgads massivamain, hajan els decis da publitgar da questas fotografias.
Ins sto mussar a la glieud co la chatscha speziala funcziuna.
Nagina chapientscha per quest agir
Ils adversaris da l'iniziativa crititgeschan la publicaziun da talas fotografias. Il president da l'uniun da chatschaders da patenta dal Grischun, Robert Brunold, metta plinavant en dumonda questa fotografia: Quai saja plitost ina fotografia d'in fetus ord in auter chantun ubain d'in accident da traffic.
Jau dubit che questa fotografia è da la chatscha speziala en il Grischun.
RR actualitad 08:00