La fascinaziun per la chatscha è en il sang da la giuvna Andrea Giger da 21 onns. La gidantra da medi è creschida si en ina famiglia da chatschadurs ed uschia tutga la chatscha per ella simplamain tiers.
Marlis Decurtins perencunter ha duvrà in pau dapli persvasiun ed ha perquai fatg l'examen da chatscha pir cun 26 onns. Prender ora il dadens d’in animal ni reducir la tualetta da mintgadi è era per la commerzianta Marlis ina bagatella.
Egliadas curiusas e reacziuns negativas envers las giuvnas chatschaduras, quai datti adina puspè. Mo las duas giuvnas na laschan betg prender il plaschair vid la chatscha e sa legran plain fevra sin la tschintgavla stagiun da l'onn.