Siglir tar il cuntegn

Header

cuntegn

Emprim di da chatscha Midadas ed aspectativas

La chatscha 2019 è l'emprima suenter las discussiuns davart l'iniziativa d'abolir la chatscha speziala.

Sajettar dapli selvaschina durant la chatscha auta, avrir per part asils ed investigaziuns davart muniziun cun plum – quai èn las midadas durant la chatscha 2019. Ch'i stoppia dar midadas ha il cusseglier guvernativ Mario Cavigelli gia annunzià il di suenter il Na a l'iniziativa per abolir la chatscha speziala.

audio
Mario Cavigelli davart las midadas curt avant la chatscha
ord Actualitad dals 02.09.2019.
laschar ir. Durada: 3 minutas 4 Secundas.

La fevra da chatscha tar ils deputads dal Cussegl grond

Tranter ils 120 deputads dal Cussegl grond datti er in u l'auter chatschader. Durant la sessiun d'avust era la tensiun avant l'emprim di da chatscha er tar els palpabla.

audio
Emprim di in success, sche...
ord Actualitad dals 02.09.2019.
laschar ir. Durada: 17 Secundas.

Quest onn da chatscha prenda la regenza cun in formular sut la marella la muniziun grischuna – quella speziala dal caliber 10,3 millimeters, che vegn be duvrada en il Grischun. La birocrazia fatschenta ils chatschaders, er quels tranter ils deputads dal Cussegl grond han gia fatg lur patratgs:

audio
Deputads davart il formular supplementar
ord Actualitad dals 02.09.2019.
laschar ir. Durada: 1 minuta 11 Secundas.

Termins da chatscha 2019

Avrir la box Serrar la box

Chatscha auta:

  • ils 2 fin ils 8 da settember ed
  • ils 16 fin ils 29 da settember (Rogaziun federala, ils 15 da settember)

chatscha bassa:

  • il 1. d'october fin ils 30 da november

chatscha da lajetg:

  • il 1. da november fin ils 29 da favrer 2020 (senza 24 fin 26 da december)

chatscha da capricorns:

  • ils 5 d'october fin ils 5 da november

RR actualitad 07:00

Artitgels legids il pli savens