L'istorgia da la chatscha grischuna
En la seria davart la chatscha grischuna preschenta l’istoricher Adolf Collenberg l’istorgia da la chatscha grischuna pli en detagl. Quai davent dal cumenzament e las tecnicas da chatscha fin a la muntada dal capricorn.
Chatscha d’urs en l'Engiadina
Pli baud aveva in’emissiun dal Radio Rumantsch num «Viagiond cul microfon». In’emissiun «Viagiond cul microfon» da l’onn 1960 è stada deditgada a la chatscha d’urs en l’Engiadina. Pli precis: Andreas Choenz d’Ardez raquinta davart ina chatscha da l’urs en l’Engiadina ed Augustin Oswald da Müstair chanta la chanzun dal chatschader or dal Wilhelm Tell da Schiller.
Preparar e punctar trofeas da chatscha
Cura che la chatscha è a fin, arriva en las societads ed en las secziuns dals chatschaders il temp, nua che las trofeas da chatscha vegnan preparadas e lura era punctadas. Sco che quai è cun ils blers temas da la chatscha grischuna, è er preparar trofeas ina disciplina fitg speziala ed individuala, però per la punctaziun da las trofeas valan normas internaziunalas.
Impuls davart la «chatscha»
Cun lur impuls persunal dattan persunas da differentas professiuns, da differenta vegliadetgna e da differenta derivanza in impuls che po accumpagnar tras il di. Persunalitads rumantschas han fan patratgs en connex cun la chatscha.
Proverbis e poesia da chatscha
Enturn la chatscha datti nundumbraivels proverbis ed era poesias. Arnold Rauch preschenta ina poesia da chatscha da Men Rauch. Plinavant preschenta Leo Tuor dus proverbis u "duas modas da dir" en connex cun la chatscha.