Legenda:
Els han guardà, discutà e lura tschernì – la giuria per las fotografias da la chatsch'auta 2020. Per tgeninas fotografias ch'els èn la finala sa decis e daco vesais Vus en questa gallaria.
RTR, Anna Selina Quinter
Maletg
2 / 6
Legenda:
Daco questa fotografia?
La culissa, las colurs e co ch'il chatschadur è posiziunà sin la fotografia han persvadì la giuria. Il maletg mussia bain l'atmosfera d'atun. Era menziunà ha la giuria ch'il chatschadur portia correct sia arma.
Lucas Lutz
Maletg
3 / 6
Legenda:
Daco questa fotografia?
La cuminanza e cumpagnia s'auda era tar la chatscha grischuna. Sin questa fotografia saja quai da vesair bain, argumentescha la giuria. Il maletg mussa ina culissa quieta ed ins vesia vid ils chatschadurs lur respect envers la preda.
Cedric Grond
Maletg
4 / 6
Legenda:
Daco questa fotografia?
Cunzunt las differentas colurs han fatg impressiun a la giuria. I saja in maletg fitg armonic e datiers da l'animal. Plinavant saja la preda vegnida preschentada cun grond respect sin questa fotografia.
Remo Manetsch
Maletg
5 / 6
Legenda:
Daco questa fotografia?
Quest maletg stat simbolicamain per il spetgar ed observar durant la chatscha. A la giuria ha cunzunt plaschì bain ch'il fotograf ha giudì il mument ed ha laschà da la vart la buis per fotografar.
Joannes Fried
Maletg
6 / 6
Legenda:
Daco questa fotografia?
A la giuria ha questa fotografia plaschì, perquai ch'ella mussa ina vart da la chatscha ch'ins na vesa betg uschè savens. Il maletg haja ina atmosfera tut speziala e mussa era co che chatschadurs sa gidan cun ils camarats.
Livio Caviezel
La schelta è fatga - Tgenina è la pli bella fotografia da chatscha 2020?
Passa 250 fotografias avais Vus tramess durant la chatscha 2020. Grazia fitg! Nossa giuria ha fatg ina selecziun da 5 fotografias. Uss essas Vus dumandads!
Vus pudais votar per la pli bella fotografia enfin dumengia, ils 04-10 da mesanotg. La victura ubain il victur dat RTR lura enconuschent glindesdi a las 10:15 al radio e sin rtr.ch.
La giuria
Avrir la boxSerrar la box
Walter Candreia: redactur tar il «Chatschadur Grischun»
Corina Luck: redactura newsdesk RTR
Cundrau Spescha: fotograf d'animals e natira
Sin tge han els guardà persunalmain:
audio
Corina Luck, redactura newsdesk RTR
00:19 min, ord Actualitad dals 02.10.2020.
laschar ir. Durada: 19 Secundas.
audio
Walter Candreia, redactur dal Chatschader grischun
00:15 min, ord Actualitad dals 02.10.2020.
laschar ir. Durada: 15 Secundas.
audio
Cundrau Spescha, fotograf da natira e cuntrada
00:19 min, ord Actualitad dals 02.10.2020.
laschar ir. Durada: 19 Secundas.
Ils victurs gudognan in bon d'ina fatschenta da sport e da vestgadira da chatscha.