Siglir tar il cuntegn

Header

Navigaziun

Legenda: Tadlar il audio Bunura: Sinergia – Chantun cumenza a vender bajetgs. Durada 02:28 minutas.
02:28 min, Actualitad dals 22.05.2019.
cuntegn

«Sinergia» Roschada tar edifizis da l'administraziun chantunala

Cronica dal nov edifizi Sinergia

Personen-Box aufklappenPersonen-Box zuklappen
  • 1 da fanadur 2016 dat la citad da Cuira la permissiun da construcziun per il nov bajetg
  • Atun 2016 publicaziuns da construcziuns.
  • Bleras lavurs da la construcziun criva e tecnica da chasa èn vegnidas surdadas per gronda part a fatschentas regiunalas
  • Badigliada ils 15 da mars 2017
  • Primavaira 2020 retratga da las localitads

En bun in onn retiran 400 emploiads da l'administraziun chantunala il nov bajetg «Sinergia» en la Ringstrasse a Cuira. Quai munta dentant era che auters bajetgs vegnan vids.

Tge schabegia cun las localitads vidas?

Il plan d'occupaziun per Cuira n'è anc betg a fin. Cler è dentant gia, che ina part da las immobiglias (sco p.ex la Villa Brügger, il bajetg vegl da chemia e 5 bajetgs al la Loëstrasse,) vegnan scrits ora cun dretg da construcziun. Autras immobiglias ch'èn en possess dal chantun vegnan duvradas vinavant sco biros per ilss emploiads da l'administraziun chantunala.

Tge departaments ed uffizis van en il nov bajetg?

Personen-Box aufklappenPersonen-Box zuklappen
  • Departament d'economia e fatgs socials
  • Inspecturat dal register funsil e register da commerzi
  • Uffizi d'agricultura e da geoinfurmaziun
  • Uffizi da segirtad da nutriment e sanandad d'animals
  • Uffizi d'economia e turissem
  • Uffizi per industria, mastergn e lavur
  • Uffizi per il svilup dal territori
  • Inspecturat da chatscha e pestga
  • Uffizi da construcziun auta
  • Uffizi per la natira e l'ambient
  • Uffizi da guaud e privels da la natira
  • Uffizi d'energia e traffic
  • Centrala chantunala per stampats e material dal Grischun

RR actualitad 07:00