Sco mintg'onn avant Tschuncaisma datti colonnas al Gottard en direcziun sid.
Curt suenter las 10:00 spetgavan automobilists en ina colonna da 18 kilometers al portal dal nord dal Gottard. Quai correspunda ad in temp da spetga da passa 3 uras, di il TCS. Il suentermezdi era la colonna anc 6 kilometers cun in temp da spetga da radund 1 ura.
Gia la notg sin sonda aveva quai dà colonnas da 10 km suenter che l'autostrada A2 en il chantun Uri era vegnida serrada pervi d'in accident.
Colonnas era en il Grischun
Sin l'A13 tranter Cuira nord e Rehanau, sco er sin plirs tschancuns tranter Tusaun ed il tunnel dal San Bernardino è il traffic adina puspè stagnà. Colonnas hai era dà sin la via chantunala tranter Tusaun e Valragn. Il suentermezdi è la situaziun puspè sa normalisada.
RR novitads 09:00
