Durant la radunanza da delegads da l'uniun da chatschaders da patenta a Cazas la sonda, n'è la votaziun da l’autra emna pertutgant l'aboliziun da la chatscha speziala stada nagin tema. Sulettamain èn ils pleds da bainvegni è il tema vegnì tematisà durant la radunanza.
Las tractandas n'han evocà naginas discussiuns. Uschia han ils delegads approvà il quint annual 2018 che serra cun ina sperdita da 50'000 francs, e fixà ils dis da chatscha per l'onn 2020. Quels han lieu tranter ils 3 fin ils 13 e dals 21 fin ils 30 da settember 2020.
En las discussiuns tranter ils chatschaders e las chatschadras avant e suenter la radunanza da delegads, è la votaziun sur da l'iniziativa per abolir la chatscha speziala dentant stà il tema central. Las opiniuns pertutgant in probabel resultat van lunsch in ord l'auter. Tar ina chaussa eran dentant tut ils preschents a Cazas dal medem avis, numnadamain ch'ins sa legra ch'il cumbat da votaziun va finalmain a fin.
RR novitads 18:00
