L’Uniun dals chatschaders grischuns elegia en scrit sia suprastanza ed il nov president. La radunanza da delegads che fiss stada oz sonda na po pervi dal scumond da sa radunar betg vegnir manada tras.
Fin la fin da zercladur hajan las secziuns temp dad eleger via formular, ha ditg ad RTR il president dals chatschaders grischuns Robert Brunold. Lez sa retira suenter 6 onns en uffizi. Per ses post canididescha Tarzisius Caviezel, il landamma da Tavau. L’entschatta fanadur vul l’uniun dar enconuschent ils resultats da las elecziuns.