Siglir tar il cuntegn

Chantun Chatschaders han sajettà tants tschiervs sco anc mai

Ils chatschaders e las chatschadras dal Grischun han perfin surpassà la finamira il 2016.

Purtret d'in chatschader cun muntogna curclada cun naiv davostier.
Legenda: Tants chatschaders sco anc mai han fatg part a la chatscha speziala. Keystone

L'onn passà han ils chatschaders grischuns sajettà uschè blers tschiervs sco anc mai. Suenter la chatscha auta e la chatscha speziala ha il chantun dumbrà 5'440 tschiervs sajettads. Quai scriva l'Uffizi da chatscha en ses rapport annual 2016. Il plan da sajettar è uschia vegnì surpassà per dapli che 200 tschiervs.

Il dumber aut da tschiervs da 16'500 tocs en il Grischun ha pretendì da far bunamain en tut las regiuns ina chatscha speziala. Tants tschiervs n'eran anc mai vegnids dumbrads. Var 2'000 chatschaders e chatschadras èn sa participadas. Quai èn 400 dapli ch'ils onns avant.

RR novitads 18:00