Siglir tar il cuntegn

Chantun Chatschaders vulan salvar chatscha supplementara

Ils visitaders da l'exposiziun da chatscha e pestga a Cuira èn vaira perina. Forsa betg davart tge buis tge sajetta il meglier u tge giacca che tegn il pli chaud, dentant quai che pertutga la chatscha supplementara.

Dus chatschaders che guardan tras lur perspectivs la saira tard.
Legenda: Dus chatschaders vi da spievlar. Keystone

Per ils pli blers che RTR ha dumandà a l'exposiziun èsi numnadamain cler che la chatscha supplementara sto restar en ina furma u l'autra.

Passa 50 expositurs èn sa preschentads

L’Expo Chur SA maina atras l’exposiziun per chatschaders, pestgaders e sportists dad outdoor ch'è stada la fin d’emna en la halla da la citad. Dasper l’exposiziun ordinaria datti er exposiziuns spezialas, referats dal fatg ed in program accumpagnant.

Passa 50 expositurs han preschentà als visitaders lur products e purschidas en connex cun la chatscha e pestga. Tranter schluppets, pertgas, patronas e trofeas sa chattava era ina gruppa che polarisescha, la “Gruppa luf Svizra”. I duaja esser ina pussaivladad da s’entupada e da barat per interessads, uschia ils organisaturs.