Cifras da dischoccupaziun - In zic damain dischoccupads

La quota da dischoccupaziun en il Grischun munta a 0,7%. Quai scriva l'Uffizi per industria, mastergn e lavur. Cumpareglià cun il zercladur 2019 è il dumber sa reducì per 74.

Dals 791 dischoccupads eran 357 dunnas e 434 umens. Ils pli blers dischoccupads han registrà la gastronomia (147) ed il commerzi en detagl (74).

En il Grischun n'hai er il fanadur dà nagina lavur curta.

Dischoccupaziun en Svizra

En l'entir pajas èn 97'578 persunas stadas senza lavur la fin da fanadur. Quai ha communitgà il Secretariat da stadi per l'economia (SECO). Cumpareglià cun la medema perioda da l'onn avant è quai in minus da 8%. Cumpareglià cun il zercladur 2019 èsi in augment da 0,4%.

Sco gia ils ultims mais eran annunziadas dapli plazzas libras als uffizis da lavur. La quota è s'augmentada per 2,8% sin 38'236.

Ord l'archiv:

audio

Mezdi: Ils quitads dals Svizzers èn sa midads – AVS il pli urgent

05:37 min, ord Actualitad dals 03.06.2019.

laschar ir. Durada: 5 minutas 37 Secundas.

RR novitads 09:00