Sco gia observà ils onns avant è la quota da dischoccupaziun stada bassa er quest avust. En tut èn stadas 772 persunas senza lavur en il Grischun. Il fanadur eran quai 791 persunas. Quai correspunda ad ina quota da dischoccupaziun da 0,7%. Cumpareglià cun il fanadur è il dumber da dischoccupaziun stà constant ed uschia er la quota. Quai scriva l'Uffizi per industria, mastergn e lavur dal Grischun.
Sper ils dischoccupads èn dentant er vegnids registrads 801 persunas betg dischoccupadas che tschertgan ina plazza. Quai èn 20 pli paucas ch'il fanadur. Tar quellas persunas tutgan persunas che fan ina scolaziun supplementara, fan part da mesiras d'occupaziun u han in gudogn intermediar sco era quellas persunas che fan be diever da las prestaziuns dals centers regiunals da cussegliaziun.
Quota constanta er en l'entira Svizra
En l'entira Svizra è la quota da dischoccupaziun restada constanta tar 2,1%. En tut èn bunamain 100'000 persunas senza lavur vegnidas registradas l'avust. Quai scriva il Secretariat da stadi per l'economia SECO.
RR novitads 09:00