L'hotellaria grischuna ha pudì beneventar damain giasts il matg. Cumpareglià cun il medem temp da l'onn passà è il dumber da pernottaziuns sa reducì per 1,3% sin radund 125'000. Quai mussan las novas cifras da l'Uffizi chantunal per economia e turissem.
Il pli grond minus sto la destinaziun da Lai magunar – quai cun passa 42% damain pernottaziuns. Er ad Arosa è il dumber però sa reducì per passa 34%. La destinaziun da Flem/Laax percunter ha pudì nudar in plus da passa 38%.
Vesì sur tut ils emprims tschintg mais dal 2019 mussan las cifras, ch'il dumber da las pernottaziuns en Grischun è s'augmentà per stgars 1% sin 2,35 milliuns pernottaziuns.
Hotellaria svizra
L'hotellaria svizra ha puspè pudì nudar dapli giasts ils emprims 5 mais da quest onns. Cumpareglià cun il medem temp da l'onn passà è il dumber creschì per 0,6% sin prest 15 milliuns pernottaziuns. Quai mussan las novas cifras da l'Uffizi federal da statistica.
Cun radund 8 milliuns pernottaziuns han ils giasts da l'exteriur generà las bleras pernottaziuns. Er ils giasts svizzers han però contribuì al plus. En tut han els generà 6,9 milliuns pernottaziuns. Quai è in augment da 0,3%.
RR novitads 09:00