Siglir tar il cuntegn

Header

cuntegn

Cifras e svilups Situaziun actuala

La situaziun enturn il coronavirus sa mida extrem spert. Perquai fa RTR transparent las funtaunas e porscha qua ina survista grafica.

Las cifras davart ils cas dal coronavirus sa differenzieschan per part tut tenor funtauna. L'Uffizi federal da sanadad BAG annunzia actualmain mintga di quantas infecziuns novas ch'i dat en Svizra aifer 24 uras. Questas cifras annunzia era RTR en las novitads.

Cifras dal Grischun

Las cifras per il Grischun publitgescha RTR sin basa da las indicaziuns sin la pagina d'internet dal chantun, il link avra en ina nova fanestra. Las datas las pli actualas dateschan mintgamai dal di avant – actualisadas vegnan questas ina giada al di, cun excepziun da la fin d'emna. Dapi ils 9 da zercladur datti era cifras tenor regiuns.

Per pudair cumparegliar pajais ubain regiuns èsi da metter las cifras en relaziun. Savens vegn duvrà per quest intent il dumber pro 100'000 abitants. Per il Grischun na va quai betg, cunquai ch'i na dat gnanc tants abitants en las regiuns (en l'entir chantun vivan circa 200'000 persunas). Perquai publitgescha RTR las cifras pro 10'000 abitants:

Gist en connex cun la segunda unda dal coronavirus èsi decisiv quants tests che vegnan fatgs. Datas dal Grischun na datti naginas, perquai la survista da l'entira Svizra:

In ulteriur indicatur per giuditgar la situaziun è la «rata da positivitad», quai vul dir: Quants dals tests che vegnan fatgs mussan in resultat positiv?

Tar questa rata da positivitad scriva l'Organisaziun mundiala da sandad WHO: Uschè ditg che la rata da 5% na vegn betg surpassada, pon ins quintar d'identifitgar tut ils cas da Covid-19. Sche questa limita vegn surpassada crescha il ristg che la pandemia daventa ord controlla. Era qua publitgescha RTR las datas per l'entira Svizra:

Situaziun en ospitals

Il Cussegl federal ha relaschà mesiras per dumagnar la pandemia era per evitar in collaps en ils ospitals. Qua datti grondas differenzas en Svizra da chantun tar chantun. La situaziun en il Grischun, inclusiv il dumber da persunas sin las staziuns intensivas, mussa la suandanta grafica:

Cas activs, isolaziun e quarantina

Per chapir la situaziun e las graficas èsi bun d'enconuscher las definiziuns:

«Cas activs» vul dir ch'i sa tracta da persunas testadas positiv sin il coronavirus. Quellas sa chattan en isolaziun. Mintgatant dovran expertas ed experts era «cas confermads» ubain «cas d'index» – tut quai munta dentant il medem tenor il chantun.

«En isolaziun» èn persunas testadas positiv e che ston exnum evitar mintga contact cun autras persunas. Qua cumenza lura era il «contact tracing», quai vul dir che emploiads dal chantun emprovan da chattar ora cun tgi che la persuna infectada ha gì contact.

Persunas «en quarantina» ubain «persunas da contact» numnan ins persunas che han gì contact cun ina persuna testada positiv sin il coronavirus e che sa chattan en quarantina ordinada ubain preventiva. Perquai èn questas cifras normalmain marcantamain pli autas che las cifras da persunas en isolaziun.

Co che la pandemia è sa sviluppada en il Grischun dapi il cumenzament, mussa la suandanta grafica:

Cifras svizras

Per pudair dar ina survista dals cas en l'entira Svizra, va RTR la medema via sco SRF: Nus publitgain cifras che dateschan dals chantuns e che vegnan rimnadas da l'Uffizi statistic dal chantun Turitg. Quellas vegnan actualisadas automaticamain ed èn adina sin il pli nov stan.

Cifras da l'entir mund

Tar la survista internaziunala porscha l'Universitad John-Hopkins datas segiras. Excepziun èn las cifras svizras che sa basan sin datas dals chantuns (per evitar differenzas cun las cifras numnadas sura).

Infurmaziuns per la populaziun

Tar return da l'exteriur:

Dumondas frequentas:

  • Infoline BAG 058 463 00 00
    (mintga di 06:00 – 23:00)

Ulteriuras infurmaziuns:

Coronavirus

Coronavirus

Dapli fatgs, infurmaziuns ed istorgias chattais qua.

RTR novitads 12:00

Artitgels legids il pli savens

Scrollar a sanestra Scrollar a dretga