Cumpareglià cun la media dals ultims tschintg è il dumber da giasts per 10,9% pli autas, cumpareglià cun la media da 10 onns 6,9%.
La svieuta da transport è s’augmentada per bunamain 8%. Questas cifras èn er sur la media dals ultims tschintg onns. Quai scrivan las Pendicularas. Il motiv per quest svilup positiv saja en spezial la bel'aura cun bler sulegl ed er las relaziuns da naiv excellentas.
Euforia è deplazzada
L'experientscha mussia che la fatschenta da las pendicularas saja volatila e fitg dependenta da l'aura. Fatg giu quint vegnia la fin da la stagiun, scrivan las pendicularas. Fin ussa saja la stagiun d'enviern da la branscha fitg positiva, euforia fiss dentant deplazzada.
Il monitoring da l’organisaziun professiunala cumpiglia 23 interpresas, quai èn 90% da tut las pendicularas grischunas.
RR novitads 15:00