Siglir tar il cuntegn

Header

Navigaziun

cuntegn

Citad da Cuira Cussegl communal e suprastanza vulan nova halla da chavaltgar

A Cuira duai dar ina nova halla da chavaltgar. Quai ha il cussegl communal decidì cun 12 cunter 9 vuschs. Il cussegl communal è uschia suandà il messadi da la suprastanza.

La halla da chavaltgar actuala sin l'areal da l'Obere Au ha in contract da dretg da bajegiar che cuzza enfin il 2023. Lura sto la halla far plaz al nov stadion da ballape. Perquai tschertga la citad da Cuira ussa ina soluziun per ch'i dettia vinavant la pussaivladad da chavaltgar a Cuira.

  • custs halla, boxas per chavals e plazza per tutt'aura: 3.5 milliuns
  • custs per planisaziun, manar il project e reserva: 5 milliuns
  • total custs: 5 milliuns

La citad da Cuira pajass 10% da quests custs, il rest sto in investur pajar.

Plan da situaziun Untere Au a Cuira.
Legenda: La nova halla da chavaltgar duai vegnir bajegiada sin la Untere Au a Cuira. mad

Halla sa strusch esser profitabla

La citad è pronta da dar a tschains ina parcella sin la Untere Au per ina summa simbolica da 1'000 francs ad onn. Plinavant surpigliass la citad la colliaziun (500'000 francs) e pajass ina contribuziun vid la construcziun da 10% dals custs totals, quai che vegn ad esser radund 500'000 francs tenor ina calculaziun da la citad da Cuira. In investur stuess dentant surpigliar il rest dals custs da construcziun ed era esser sulet responsabels per gestiunar la halla. Da chattar in investur saja dentant tgunsch fitg grev, scriva la citad. Pertge tenor ina calculaziun saja betg pussaivel da gestiunar la halla a moda profitabla.

RR actualitad 18:00