Siglir tar il cuntegn

Header

Inscripziun Citad da Cuira
Legenda: RTR
cuntegn

Citad da Cuira Pachet da mesiras fa effect

La regenza da la citad da Cuira ha tratg ina emprima bilantscha da l'effect che l'agid pervia da la pandemia da corona ha.

Fin ussa hajan ins survegnì radund 200 dumondas d'agid. 148 da quellas surtut per relaschar taxas u tschains da locaziun, sajan entant vegnidas lubidas. Quai cun ina contribuziun totala da 153'000 francs.

Il pli fitg profiteschian il sport e l'economia. 41% dals daners sajan vegnids da bun al sport, 37% a l'economia ed il rest a la cultura ed il social. La citad da Cuira aveva ultra da quai endrizzà in fond da corna cun 1 milliun francs. Ord il fond spezial n'hai anc dà nagins pajaments.

RTR novitads 12:00

Artitgels legids il pli savens

Scrollar a sanestra Scrollar a dretga