Igl è stà ina premiera. Per l'emprima giada insumma hai dà a Cuira in autokino. E cun Claudio Zuccolini ch'ha purtà ses gags live sin tribuna èsi stà ina premiera tut speziala.
Il tun è vegnì emess en ina speziala frequenza. Uschia han tuts ils visitaders udì Zuccolini sul radio en l'auto.
Preschentaziun vendida ora
120 autos èn stads en il drive-in a la Obere Au per guardar la show dal comedian grischun. Per l'um da 59 onns èsi stà terren nov ed uschia ina gronda sfida. El ha udì naginas risadas dal public. Sia interacziun è stada cun ils autos e lur glischs e tibas. Mo cul temp saja el s'endisà.
Cura ch'igl è vegnì stgir èsi atgnamain stà bellezia.
In eveniment spezial èsi era stà per ils visitaders. Il giavisch da puspè pudair dar ina risada da cuminanza è stà gronds. Quai malgrà ch'ils blers enconuschevan l'autokino mo ord films. Las reacziuns d'intgins visitaders:
- «I è stà in zic sco da guardar el sin televisiun»
- «Jau sun stada avant 40 onns ina giada en in autokino. Igl è stà lessig d'avair puspè ina giada quest sentiment»
- «Igl è spezial e betg pli pauc legher che uschiglio»
-
Bild 1 von 3. 120 autos èn stà a guardar Claudio Zuccolini. Bildquelle: MAD.
-
Bild 2 von 3. Tempra speziala cura ch'i è vegnì stgir. Bildquelle: MAD.
-
Bild 3 von 3. Claudio Zuccolini avant ses «fans». Bildquelle: MAD.
Per l'emprima giada insumma hai dà in autokino a Cuira. Il public sco er la persuna principala, Claudio Zuccolini han laschà plaschair questa nova furma da comedy. Quai malgrà ch'igl è stà tut auter che normal.