Siglir tar il cuntegn

Header

video
Il climatolog Jan Sedlacek da Sent analisescha l'aura actuala
Or da sil punct dals 15.07.2021.
laschar ir. Durada: 2 minutas 4 Secundas.
cuntegn

Climatologia Malauras da stad: La culpa dal clima?

Las stads daventan pli e pli sitgas e l'aria adina pli chauda. Quai pervia da la midada dal clima. Tras quai sa ramassa dapli aua en l'atmosfera che finescha lura sco ferma plievgia e malaura.

Pervia da las fermas malauras han ins savens il sentiment ch'i plova dapli che auters onns. Quai n'è betg uschia. La gronda differenza è che las fasas da plievgia e bell'aura èn pli lungas e na varieschan uschè savens sco pli baud. Qua tras plovi dapli en ina giada ed i po dar inundaziuns, uschia il climatolog Jan Sedlacek envers RTR.

Entant che la temperatura da la terra sa stgauda, datti er vinavant malauras.
Autur: Jan Sedlacek climatolog

Las malauras da questa stad n'èn però betg in cas unic. En avegnir sa ston ins adina pli savens far quint cun eveniments d'aura extrems: Plievgia, granella ma era blera naiv u undas da chalur.

audio
Il climatolog Jan Sedlacek davart l'influenza dal clima sin l'aura
ord Actualitad dals 16.07.2021.
laschar ir. Durada: 2 minutas 26 Secundas.

RTR actualitad 07:00

Artitgels legids il pli savens