Magari pon ins dentant era clamar agid sch’i stat sin il visur dal telefonin “kein Netz”. Lura pon ins empruvar da telefonar per exempel al numer 112 cun la funcziun “Notruf” u “Notfall”. Sch’ins è per exempel tar il purschider Sunrise e n’ha nagina rait, emprova il telefonin lura da sa colliar cun las raits da Swisscom u Salt. E sche la rait e surchargiada en quest mument, favurisescha la rait ils cloms d’urgenza e bitta ora ils ulteriurs cloms.
Ma tuttina datti bleras regiuns en las Alps ed en ils culms nua ch’i na dat insumma nagina rait. I vala uschia ni uschia dad esser precauts, cun u senza rait da telefon.