Era durant ils dis da lavur davent da chasa po il viadi a la lavur vegnir inditgà en la decleraziun da taglia 2020. Tenor Albertus Durisch dal cumissariat da l'administraziun da taglia chantunala però be in tscherts cas:
- La pauschala per il velo da 700 francs po vegnir inditgada malgrà dis da homeoffice u lavur curta.
- Abunaments da traffic public pon era vegnir fatgs valair fiscal l'onn 2020.
- Tar in auto pon ins be inditgar quels dis ch'ins ha durvà l'auto per ir a la lavur. Pia ils kilometers a la lavur ed enavos.
- Ina regla speziala vala per il temp tranter ils 6 da mars enfin ils 6 da fanadur. Durant quests 85 dis ha il Cussegl federal recumandà da na duvrar il traffic public. Pervia da quai pon ins sco possessur d'in abunament dal traffic public era far valair ils kilometers viagiads cun in auto a la lavur. Quai dentant be durant quests dis ch'il auto è vegnids duvrads per ir a la lavur.
- Material da homeoffice valia tenor Albertur Durisch sco custs da fatschenta. Vul dir: quels custs na pon betg vegnir inditgads en la decleraziun da taglia.
- Tar ina summa pauschala dal patrun che vegn pajada supplementar per il temp da corona sto vegnir inditgà pertge che quels daners vegnan pajads ora.