Musculatura, coordinaziun, ballantscha e cundiziun – Tut chaussas ch’ins dovra per ir cun skis. Avant la stagiun fai senn da sa preparar per las bellas pistas dal Grischun. Uschia ch’ins è fit avunda e minimescha il ristg da far accidents. Qua intgins tips.
- La musculatura è igl A ed O per ir cun skis. In exercizi ch'activescha tut la musculatura è l'uschenumnà «Planking». Per quel èsi da far ina punt cun il corp giun plaun, uschia che mo la detta pe e la bratscha sut tutgan il palantschieu. Quai exercizi activescha quasi mintga muscul ch'è impurtant per ir cun skis: las chommas, il dies, il tgil e la bratscha.
- La coordinaziun è impurtanta per tegnair la ballantscha durant far curvas. Quella pon ins trenar cun in simpel tric: star sin ina chomma e tegnair la ballantscha per intginas minutas e lura midar chomma.
- Ina buna cundiziun gida da restar focusà sin la pista. Ameglierar pon ins quella tenor la SUVA cun ina spassegiada da 30 minutas al di. Impurtant è dentant che la sveltezza resta constanta e plitost sin il spert che sin il plaun.