Walter Camenisch stat a Hua Hin en Tailanda, oriund è el da Rueun. El festivescha mintg'onn il prim d'avust cun sia famiglia. La festa vegn organisada da Svizzers ed era dal consulat. I dat schnitzels, chaschiel e schizunt fondue da magliar a la festa. Camenisch è maridà ed ha dus uffants. El è scolast secundar ed ha ina fatschenta d'immobiglias. L'ultima giada è Walter Camenisch stà en Svizra avant trais onns. El ponderescha da visitar sia patria cun sia famiglia la stad che vegn.
Madlaina e Philippe Valloise èn mamma e figl. Els festiveschan normalmain la festa dal prim d'avust en Svizra. Quai malgrà ch'i vegn organisà a Paris, nua ch'els stattan, diversas festas da Svizzers. Oriunda è Madlaina da Sent, ella è mamma da quatter uffants e chasarina. A Sent festivescha ella era quest onn la festa naziunala. Quai sin plazza communala cun musica e liongia.
RR actualitad 06:00