Siglir tar il cuntegn

Header

video
La derasaziun da las zeccas en Grischun
Or da RTR dals 30.06.2016.
laschar ir. Durada: 1 minuta 18 Secundas.
cuntegn

Chantun Co transmetta la zecca FSME?

Il virus dad FSME è arrivà tras las zeccas en regiuns nua ch’el n'era avant betg derasà. Dapi l'atun haja per exempel dà trais cas d’infecziun en il conturn da Trun e Sumvitg en la Surselva.

audio
Bunura: Zeccas: Il virus FSME sa derasa en regiuns pli autas
ord Actualitad dals 28.06.2016.
laschar ir. Durada: 1 minuta 37 Secundas.

Il virus dad FSME – per tudestg: «Frühsommer-Meningoenzephalitis», inflammaziun da la paletscha dal tscharvè – vegn transmess tras zeccas. E las zeccas sa derasan via ils animals dals quals ellas tschitschan sang.

Pli grondas che las zeccas vegnan e pli gronds animals ch'ellas pon tschiffar. E cun per exempel in chavriel u in tschierv pon las zeccas far viadis pli lungs tras il chantun. Tenor Flurin Camenisch dal Museum da la natira dal Grischun giaja quai però pli ditg fin che las zeccas sajan sa chasadas en ina nova regiun. En cas dad infecziuns saja pia da ponderar duas giadas, nua ch'ins avess pudì avair tschiffà la zecca cun il virus.

audio
Bunura: Zeccas: Tge capita en il corp tras FSME cun e senza virola
ord Actualitad dals 28.06.2016.
laschar ir. Durada: 2 minutas 8 Secundas.

Tge fa FSME?

FSME na dastg'ins betg scumbigliar cun la bacteria da borreliosa, che po vegnir tractada cun antibiotica. Tar FSME sa tracti dad in virus ch’il corp sto decumponer cun agens anticorpuls – e quai sa esser fitg mulestus e schizunt mortal.

In portrait da Tarcisi Maissen.
Legenda: mad
Quest virus ha nagut meglier da far ch'attatgar ils gnervs ed il tscharvè dal carstgaun.
Autur: Dr. Tarcisi Maissenmedi da chasa

Per che quai na po insumma gnanc capitar, vegn cusseglià da laschar dar ina virola encunter quest virus. Cunzunt per glieud che sa movia savens giuadora e saja datiers dal guaud saja quai fitg bun, di il medi da chasa Tarcisi Maissen.

Questa virola saja en general bain cumportabla. Però na ha la virola betg in effect dad in mument sin l'auter. Fin che la virola ha effect dovra quai almain trais mais.

Virola e zeccas


emprima dosa
segunda dosa suenter…
terza dosa suenter…
booster
varianta sperta
07 dis21 dis
mintga 10 onns
varianta plauna
01 - 3 mais
9 - 12 maismintga 10 onns

RR actualitad

Artitgels legids il pli savens