Siglir tar il cuntegn

Chantun Collià emprim Wandorama cun radunanza annuala

La Cuminanza grischuna per sendas è sa radunada ad Arosa. Var 90 commembers han prendì part a la radunanza annuala.

Tranteren è er sa mussà il sulegl a chaschun dal «Wandorama» ad Arosa
Legenda: Tranteren è er sa mussà il sulegl a chaschun dal «Wandorama» ad Arosa mad

L'organisaziun da viandar che po festivar quest onn ses giubileum da 60 onns po nudar in quint guliv per l'onn 2015. Il president da la Cuminanza grischuna per sendas, il deputà Walter Grass da la PBD, ha menziunà en ses rapport annual las sfidas actualas per l'organisaziun. Tranter auter ha el fatg attent sin la tegnida da vatgas-mamma e la reorganisaziun da sendas.

Emprim Wandorama

En connex cun il giubileum da 60 onns ha l'uniun envidà a l'emprim «Wandorama» ad Arosa. Malgrà l'aura instabila han tut en tut radund 170 persunas fatg part a quest'acziun da viandar.

RR novitads 18:00