Siglir tar il cuntegn
Inhalt

Chantun Colliaziun da glistas burgaisa pli gronda vegn

Tenor il candidat liberademocrat ed anteriur president dal Cussegl grond Hans Peter Michel da Tavau vegn quai a dar ina colliaziun da glistas burgaisa pli gronda. Quai ha el ditg sin dumonda da RTR.

Logos da tut las partidas dal chantun Grischun.
Legenda: Logos da tut las partidas dal chantun Grischun. RTR

Tgunsch vegn quai dentant a dar ina colliaziun burgaisa senza la Partida populara svizra PPS. Enconuschiders da la politica grischuna manegian che la PPS fissi tgunsch memia ferma e pudess gudagnar in segund sez cun sa colliar cun las autras partidas burgaisas. Quest segund sez giess sin donn e cust dad ina da las autras partidas burgaisas che han da preschent mintgamai in sez en il Cussegl naziunal.

Colliaziun da glista tranter PVL e PS?

Anc betg cler è sch'i vegn a dar ina colliaziun da glista tranter la Partida verd-liberala ed ils socialdemocrats. Avant 4 onns aveva questa colliaziun purtà il sez surprendent en la chombra gronda federala al verd-liberal Josias Gasser.