L'idea da colliar Scuol e Mals cun ina lingia da viafier survegn concurrenza. Da quai avertescha la deputada Valérie Favre Accola da la PPS en in'incumbensa, ch'ella ha inoltrà tar il Cussegl grond. Sco ch'ella scriva, dettia pliras partidas dal Tirol dal Sid, che s'engaschian per ina colliaziun da tren da Mals a Landeck en l'Austria. Uschia in project pudess periclitar l'idea d'ina colliaziun da la Viafier retica cun la Viafier dal Vnuost.
En sia incumbensa pretenda Valérie Favre Accola perquai, che la regenza grischuna duai laschar actualisar in studi dal 2012 davart la colliaziun Scuol-Mals. Suenter pudessan ins numnadamain instradar discurs cun la Confederaziun per pudair avanzar en il project.
Sco proxim ha il Cussegl grond da decider sch'el vul incumbensar la regenza. 68 da las 120 deputadas e deputads hajan suttascrit l'incumbensa da Favre Accola.
Ord l'archiv
Da colliar l'Engiadina Bassa cun il Vnuost cun ina colliaziun da tren è adina puspè stà tema.
