Collisiun frontala a Churwalden

Il mardi suentermezdi èn dus autos collidads sin la via principala. Duas persunas han stuì ir tar il medi.

Ils autos sin in lieu da collisiun. Bild in Lightbox öffnen.

Legenda da maletgs: Gronds donns vi dals vehichels. Keystone

In auto cun tschintg persunas che charrava sin la Via dal Güglia aval vers Malix è glischnà sin l'auter vial tar il lieu Egga ed è uschia collidà cun in auto ch'era sin viadi amunt.

Las persunas en l'auto svià n'èn betg vegnidas blessadas. Il manischunz da 70 onns e ses cunautist da l'auto ch'era sin viadi amunt, han stuì ir tar il medi per ina controlla. Pli gronds donns han ils vehichels prendì. L'auto che gieva vers Malix ha in donn total e l'auter auto ha in donn da plirs 10'000 francs.

Il traffic è per curt temp vegnì manà sin in vial. Suenter ina mes'ura ha la polizia dentant puspè dà liber l'entira via.

RR novitads 09:00