Siglir tar il cuntegn

Header

cuntegn

Communicaziun da regenza Approvà divers projects da protecziun

En Val Müstair pon ils rempars da la Val Vau vegnir sanads, la via sursilvana tranter Rueun e Tavanasa vegn pli segira ed a Scuol vegn installà ina nova staziun per avertir da lavinas.

La regenza grischuna ha approvà gist plirs projects da protecziun en il chantun. Per construir rempars en il torrent Aua da Vau en Val Müstair contribuescha il chantun 235'000 francs. La Confederaziun sa participescha cun ina contribuziun da 336 000 francs a quest Project.

Per segirar la via chantunala tranter Rueun e Tavanasa da crudada da crappa ha la regenza approvà il project da 1,87 milliuns francs da las vischnancas da Breil e Glion. Per proteger la via chantunala duai il territori vegnir segirà cun raits cunter crudada da crappa sin ina lunghezza da 585 meters.

E la vischnanca da Scuol survegn glisch verda per construir ina nova staziun da mesiraziun per constatar a temp il privel da lavinas per lung la via da S-charl sco er en la part sid da l'Engiadina Bassa. Per quest project garantescha la regenza ina contribuziun chantunala da 204'000 francs.

Staziun da mesiraziun en la naiv.
Legenda: La vischnanca da Scuol ha survegnì glisch verda da la Regenza per construir ina nova staziun da mesiraziun per constatar a temp il privel da lavinas per lung da la via da S-charl sco er en la part sid da l'Engiadina Bassa. MAD, Chanzlia chantunala.
Via tranter Rueun e Tavanasa.
Legenda: Tranter Rueun e Tavanasa croda adina puspè giu crappa en ils secturs Uaul da Munt e Crap Leller. MAD, Chanzlia chantunala
audio
Per tadlar: Las novitads da las 10.00
ord RTR Audio dals 29.06.2020. Maletg: RTR
laschar ir. Durada: 3 minutas 2 Secundas.

RTR novitads 09:00

Artitgels legids il pli savens